मुंबई/प्रतिनिधी
सिरम इन्स्टिट्यूट ऑफ इंडियाचे सीईओ अदर पूनावाला लंडनहून भारतात परतले आहेत. पुण्यामध्ये खासगी विमानाने अदर पूनावाला पुण्यात दाखल झाले. जवळपास गेल्या महिन्याभरापासून जास्त काळ परदेशात होते. लसीवरून अदर पूनावाला यांनी सतत धमक्या मिळत असल्याचा आरोप केल्याने खळबळ माजली होती. यानंतर त्यांना वाय दर्जाची सुरक्षा देण्याचं जाहीर करण्यात आलं होतं. दरम्यान आता ते पुण्यात परतले आहेत.
भारतात एकीकडे मोठ्या प्रमाणात लसीकरण मोहीम सुरु असताना दुसरीकडे सिरमच्या कोव्हिशिल्ड लसीला जगभरात मोठ्या प्रमाणात मागणी आहे. दरम्यान, देशात कोरोना लसींचा तुटवडा निर्माण झाल्याने गोंधळाचं वातावरण असताना यादरम्यानच मे महिन्यात अदर पूनावाला लंडनला निघून गेले होते. अदर पूनावाला यांनी आपण उद्योगाच्या निमित्ताने लंडनला जात असून तेथील काम संपल्यानंतर भारतात परतणार असल्याचं सांगितलं होतं. अदर पूनावाला सिरम लंडनमध्येही आपले पाय रोवण्याचा प्रयत्न करत आहे.