Tarun Bharat

आयुर्वेद रुग्णालयात अतिदक्षता विभाग

Advertisements

सुरुवातीला 20 खाटा, भविष्यात होणार विस्तार

वार्ताहर / सावंतवाडी:

सिंधुदुर्गातील रुग्णांना आता गोवा राज्यात उपचारासाठी धावपळ करावी लागणार नाही. अपघात वा अन्य इमर्जन्सी रुग्णांसाठी अतिदक्षता विभाग येथील राणी जानकीबाई सुतिकागृह संस्थेत लवकरच सुरू करण्यात येणार असल्याची माहिती संस्थेचे अध्यक्ष ऍड. दिलीप नार्वेकर यांनी पत्रकार परिषदेत दिली. यावेळी संचालक उमाकांत वारंग, प्राचार्य डॉ. बाबासाहेब पाटील, डॉ. विशाल पाटील उपस्थित होते. सावंतवाडी नगरपालिकेने हेल्थ फार्म आयुर्वेद महाविद्यालयाला चालविण्यास दिल्यास कुठल्याही क्षणी पंचकर्म विभाग सुरू करू, असेही ते म्हणाले.

भाईसाहेब सावंत आयुर्वेद महाविद्यालयात 35 डॉक्टर आहेत. तसेच गोवा, बेळगाव, कोल्हापूर येथून तज्ञ डॉक्टरही तपासणीसाठी येतात. सिंधुदुर्गात आरोग्यसेवेची ओरड आहे. मात्र, आयुर्वेद महाविद्यालयात उत्तम आरोग्य सेवा दिली जात आहे, असे ऍड. नार्वेकर म्हणाले.

100 खाटांचा अतिदक्षता विभाग

सिंधुदुर्गात अतिदक्षता विभाग नसल्याने अपघात वा हृदयविकाराच्या रुग्णांना गोवा येथे हलवावे लागते. मात्र, काही रुग्ण वाटेतच दगावतात. त्यामुळे आता महाविद्यालय परिसरात 100 खाटांचा अतिदक्षता विभाग उभारण्यात येणार आहे.  हा विभाग गोवा येथील डॉ. दिगंबर नाईक व त्यांचे सहकारी चालविणार आहेत. सुरुवातीला प्रायोगिक तत्वावर 20 खाटांचे रुग्णालय सुरू होणार आहे, असे नार्वेकर म्हणाले.

हेल्थ फार्म चालविण्यास तयार

सावंतवाडी आयुर्वेद महाविद्यालयाला हेल्थ फार्म सुरू करण्यासाठी माजी खासदार कर्नल सुधीर सावंत यांनी निधी दिला होता. मात्र, तत्कालीन नगराध्यक्ष दीपक केसरकर यांनी हा निधी पालिकेकडे वळवत हेल्थ फार्म उभारले. हे हेल्थ फार्म आम्हाला चालवायला द्या, अशी मागणी केली होती. हेल्थ फार्म पालिकेला चालविणे अशक्य आहे. पालिकेने भाडे कमी करून पूर्णपणे आमच्याकडे हस्तांतरित केल्यास आम्ही ते तात्काळ सुरू करू, असेही ऍड. नार्वेकर यांनी सांगितले.

आठ मार्चला महिलांची मोफत तपासणी

राणी जानकीबाई संस्थेत येत्या आठ मार्चला जागतिक महिला दिनानिमित्त ग्रामीण शहरातील महिला रुग्णांची आरोग्य तपासणी तज्ञ डॉक्टरांच्या माध्यमातून सकाळी 11 ते 3 या वेळेत केली जाणार आहे. याचा लाभ घ्यावा, असे आवाहन ऍड. नार्वेकर यांनी केले.

Related Stories

न केलेल्या कामावर दाखवला 76 लाखाचा खर्च?

Patil_p

सिंधुदुर्ग ‘ऑरेंज झोन’ मध्येच

NIKHIL_N

‘लॉकडाऊन मालूम, बिमारी कौनसी नही मालूम।

NIKHIL_N

रिफायनरीचे समर्थन केले म्हणून जमातीतून बहिष्कृत करण्याची धमकी

Patil_p

डॉक्टर्स डे निमित्त आझादी का अमृत महोत्सवांतर्गत वैद्यकीय अधिकाऱ्यांचा सन्मान

Ganeshprasad Gogate

नियम मोडणाऱयांविरोधात धडक मोहीम

NIKHIL_N
error: Content is protected !!