ऑनलाईन टीम / देहरादून :
उत्तराखंडात मागील 24 तासात 515 नव्या कोरोना रुग्णांची नोंद झाली. तर 13 जणांचा मृत्यू झाला. त्यामुळे राज्यातील कोरोनाबाधितांची एकूण संख्या 79 हजार 656 वर पोहचली आहे, अशी माहिती आरोग्य सचिव युगल किशोर पंत यांनी दिली.
मिळालेल्या माहितीनुसार, आज 10,671 रिपोर्ट निगेटिव्ह आले. काल आढळलेल्या 515 रुग्णांमध्ये अलमोरा जिल्ह्यात 4, बागेश्र्वर 24, चमोली 30, चंपावत 07, देहरादून 171, हरिद्वार 45 नैनिताल 56 पौरी गरवाल 52, पिथोरगड 48, रुद्र प्रयाग 16, तेहरी गरवाल 21, यू एस नगरमधील 18 आणि उत्तर काशीमधील 23 जणांचा समावेश आहे.
- आतापर्यंत 1320 मृत्यू
दिलासादायक बाब म्हणजे काल 425 जणांना डिस्चार्ज देण्यात आला तर आतापर्यंत प्रदेशात 71,966 रुग्णांची प्रकृती सुधारली असून त्यांना घरी सोडण्यात आले आहे. रुग्ण बरे होण्याचे प्रमाण 90.35 टक्के इतके आहे. तर सध्या 5 हजार 456 रुग्णांवर विविध रुग्णालयात उपचार सुरू आहेत, तर आतापर्यंत 1320 रुग्णांचा मृत्यू झाला आहे, असे पंत यांनी यावेळी स्पष्ट केले.