ऑनलाईन टीम / देहरादून :
उत्तराखंडचे विधानसभा अध्यक्ष प्रेमचंद अग्रवाल यांची प्रकृती पूर्णपणे सुधारली असून त्यांनी यशस्वीरित्या कोरोनावर मात केली आहे. मंगळवारी त्यांचे रिपोर्ट निगेटिव्ह आले आहेत. त्यांच्या सोबत त्यांची पत्नी आणि मुलाचे रिपोर्ट निगेटिव्ह आले आहेत.
विधानसभा अध्यक्ष प्रेमचंद अग्रवाल यांनी सर्व शुभेच्छुकांचे आभार मानले आहेत. त्यांच्या सोबत त्यांचा परिवार आणि स्टाफ मेंबर्सचे नमूने सोमवारी घेण्यात आले होते. त्या सर्वांचे आरटीपीसीआर रिपोर्ट आज निगेटिव्ह आले आहेत.
दरम्यान, प्रदेशातील भाजप अध्यक्ष बंशीधर भगत यांना देखील कोरोनाची लागण झाली आहे. त्यानंतर विधानसभा अध्यक्ष प्रेमचंद अग्रवाल हे आयसोलेट झाले होते. त्यानंतर आज त्यांचे रिपोर्ट निगेटिव्ह आले आहेत. त्यामुळे ते आता पहिल्या प्रमाणे कामाला सुरुवात करतील.