मुंबई / प्रतिनिधी
येऊ घातलेल्या उत्तर प्रदेश विधानसभा निवडणुकीत शिवसेना ५० ते १०० जागा लढवणार असल्याचे सुतोवाच राज्यसभा खासदार आणि शिवसेना नेते संजय राऊत यांनी केले आहे.
निवडणूक होत असलेल्या देशातील पाच राज्यापैकी उत्तर प्रदेश एक असून देशातील केंद्रीय राजकारणावर या राज्यातील निवडणूकीचा मोठा प्रभाव दिसुन येतो. उत्तर प्रदेशमध्ये निवडणुक लढवण्यासाठी राष्ट्रवादी काँग्रेस पार्टीने याआधीच कंबर खसली असून काल यासंदर्भात राष्ट्रवादी काँग्रेसने जाहीर केले आहे.
शिवसेना ही उत्तर प्रदेशच्या राजकारणात उतरण्यास इच्छूक असून या पार्श्वभुमीवर खा. संजय राऊत यांनी उत्तर प्रदेश दौरा आखला आहे. या संदर्भात बोलताना ते म्हणाले ” उत्तर प्रदेश विधानसभा निवडणुकीत शिवसेना देशातील ५० ते १०० जागा लढवणार असून यासंदर्भात मी उद्या पश्चिम उत्तर प्रदेशला भेट देणार आहे.”