उदगाव / वार्ताहर
उदगाव येथील पाण्याच्या टाकीजवळील झोपडपट्टी अतिक्रमण नियमीत करणे तसेच नूतन पेयजल योजनेच्या लिकेज खर्चावरून कोरम अभावी तहकूब झालेली गाव सभा गुरुवारी दुपारी घेण्यात आली. ही गाव सभा वादळी झाली. शाब्दिक चकमकी बरोबरच यावेळी उपस्थित ग्रामपंचायत पदाधिकारी यांना नागरिकांनी धारेवर धरले.
झोपडपट्टी नियमीत करणे याबाबत नामंजूर ठराव केले. चार तास ही सभा झाली. सभेच्या अध्यक्षस्थानी सरपंच कलिमुन नदाफ या होत्या. यावेळी ग्रामविकास अधिकारी रायसिंग वळवी यांच्यावर ग्रामस्थांनी प्रश्नांचा भडिमार करत प्रत्येक विषयाचा जाब विचारला. या सभेसाठी युवकांची संख्या जास्त होती. अनेक वर्षात प्रथमच अशी वादळे सभा ग्रामपंचायत मध्ये झाल्याची चर्चा यावेळी होती. काही सदस्यासह ग्रामस्थांनी यावेळी ग्राम विकास अधिकारी यांना कोंडीत पकडले.