ऑनलाईन टीम / उन्नाव :
उन्नाव बलात्कार प्रकरणातील पीडितेच्या वडिलांच्या हत्येप्रकरणी उत्तर प्रदेशातील भाजपचा निलंबित आमदार कुलदीप सिंह सेनगर याला न्यायालयाने 10 वर्षांच्या कारावासाची शिक्षा सुनावली आहे.
2017 मध्ये उन्नाव येथील अल्पवयीन मुलीवर बलात्कार केल्याप्रकरणी सेनगर याला मागील वषी न्यायालायने त्याला दोषी ठरवले होते. त्यानंतर एप्रिल 2018 मध्ये उन्नाव पीडितेच्या वडिलांचा न्यायालयीन कोठडीत मृत्यू झाला होता. न्यायालयाने सेनगरला पीडितेच्या वडिलांच्या मृत्यूप्रकरणी सदोष मनुष्यवध आणि गुन्हेगारी कटाच्या आरोपाखाली दोषी ठरवत 10 लाखांचा दंडही ठोठावला होता. आज न्यायालयाने हा निकाल जाहीर करत सेनगरसह 6 जणांना दोषी ठरवले.