शिरोळ / प्रतिनिधी
जयसिंगपूर येथे महिलेचा नांदणी येथे मृतदेह मिळून आला. मिना महावीर मगदूम (वय ५५, रा. शाहूनगर महावीर चौक) असे तिचे नाव असून शवविच्छेदनानंतर हृदयविकाराच्या धक्क्याने तिचा मृत्यु झाल्याची माहिती पोलिसांनी दिली. या घटनेची नोंद शिरोळ पोलीसांत झाली आहे.
पोलीसांतून मिळालेली माहिती अशी, खर्चासाठी तसेच उदरनिर्वाहासाठी काही लोकांकडून, बचत गटातून मिना मगदूम यांनी उसने पैसे घेतलेले होते. त्यामुळे त्या मानसिक तणावाखाली होत्या. तीन दिवसापूर्वी कोणास काही न सांगता घरातून निघून गेल्या होत्या. आज शनिवारी सकाळी अकराच्या सुमारास नांदणी येथाील रिलायन्स पेट्रोल पंपानजीक असलेल्या मोकळ्या जागेत त्या मृतावस्थेत मिळून आल्या. याबाबतची वर्दी अभिषेक मगदूम यांनी पोलिसांत दिली.