सातारा प्रतिनिधी
कोरोना का रोना नही.. रोना हैं कोरोना को हराना है च्या गजरात महामंडळाची सातारा विभागातील दोन पथके पालघर, पनवेल आणि ठाणे या ठिकाणी सेवा बजावण्यासाठी रवाना झाल्या. दुसऱया 22 जणांच्या टीममध्ये सातारा, वडूज, दहिवडी, मेढा, वाई, पारंगाव खंडाळा आगारातील चालक वाहक सहभागी झाले आहेत.
कोरोना विषाणूमुळे सगळीकडे लॉकडाऊन आहे. या काळात अत्यावश्यक म्हणून सेवा देण्याकरता महाराष्ट्र राज्य परिवहन महामंडळाच्या मध्यवर्ती कार्यालयाच्या आदेशानुसार विभाग नियंत्रक सागर पळसुले, विभागीय वाहतूक अधिकारी मोरे, यंत्र अभियंता मोहिते यांच्या मार्गदर्शनाखाली विभागातील सर्व आगार प्रमुख, स्थानक प्रमुख, वाहतूक निरिक्षक, वाहतूक नियंत्रक व सहकारी कर्मचाऱयांनी चालक वाहकांचे मनोधैर्य वाढवून त्याना प्रेरीत केले. अतिशय उत्साहवर्धक वातावरणात सातारा विभागाच्या दोन्ही टीम रवाना झाल्या.