ऑनलाईन टीम / चेन्नई :
जम्मू -काश्मीरमध्ये नुकतीच टू जी इंटरनेट सेवा सुरू करण्यात आली. यानंतर सोशल मीडियावर ओमर अब्दुल्लांचा दाढीतील एका फोटो व्हायरल होत आहे. यावरून राजकारण रंगलं आहे. अब्दुल्लांच्या या अवस्थेला केंद्र सरकारला जबाबदार आहे, अशी टीका विरोधकांकडून केली जात आहे. या टीकेला प्रत्युत्तर म्हणून भाजपच्या काही नेत्यांनी ओमर यांना ऍमेझॉनवरुन रेझर पाठवून दिलं आहे.
भाजपाने ट्विटरवर रेजरची ऑर्डर दिलेला स्क्रीनशॉट शेअर करताना म्हटले आहे की, प्रिय ओमर अब्दुल्ला, तुम्हाला अशा स्थितीत पाहणे निराशेचे आहे जेव्हा तुमचे अनेक भ्रष्ट लोक बाहेर मजा करत आहेत. कृपया ही भेट स्वीकारावी आणि कोणत्याही प्रकारची मदत लागली तर तुमचाच सहयोगी काँग्रेसशी संपर्क साधावा.
.