अद्याप संपलेली नाही महामारी -रुग्णालयात आयसोलेट दिग्गज अभिनेता
वृत्तसंस्था / चेन्नई
मक्कल नीधि मय्यम या राजकीय पक्षाचे प्रमुख आणि अभिनेता कमल हासन यांना कोरोनाची लागण झाली आहे. अमेरिकेतून परतल्यावर त्यांना खोकल्याचा त्रास सुरू झाला. चाचणीत कोरोना संक्रमणाची पुष्टी झाल्याने त्यांनी रुग्णालयात स्वतःला आयसोलेट केले आहे. कोरोना महामारी अद्याप संपलेली नसल्याने सर्वांनी सावध रहावे, असे कमल हासन यांनी तमिळ भाषेत ट्विट करत म्हटले आहे.
अमेरिकेच्या दौऱयादरम्यान कमल हासन यांनी 15 नोव्हेंबर रोजी शिकागो येथील समर्थकांसोबत चर्चा केली होती. कमल हासन काही दिवसांपूर्वी भारतात परतले होते. तर विदेश दौऱयापूर्वी त्यांनी तामिळनाडूतील पूरग्रस्त भागांना भेट दिली होती. तसेच पीडित लोकांना पक्षाच्या वतीने मदत केली होती.