नवी दिल्ली –
किया मोटर्स इंडिया या किया कॉर्पोरेशनच्या अखत्यारीत येणाऱया कंपनीने नुकतीच हरदीप सिंग ब्रार यांची विक्री आणि विपणन विभागाच्या राष्ट्रीय प्रमुखपदी निवड केली आहे. भारतीय बाजारातील विस्ताराच्या व एकंदर विकासाच्या कार्यक्रमावर त्यांना यापुढे लक्ष ठेवावं लागणार आहे. ब्रार यांना ऑटोमोटीव्ह इंडस्ट्रितला साधारण 2 दशकांचा प्रदीर्घ अनुभव असल्याने त्यांच्या अनुभवाचा फायदा येत्या काळात होणार असल्याचा विश्वास कंपनीने व्यक्त केला आहे. याआधी ब्रार हे ग्रेट वॉल मोटर्सच्या विपणन व विक्री विभागाचे संचालक पद सांभाळत होते.