प्रतिनिधी/ बेळगाव
केएलई विद्यापीठातर्फे सरदार वल्लभभाई पटेल यांची 145 वी जयंती राष्ट्रीय एकता दिवस म्हणून साजरी करण्यात आली. प्रारंभी वल्लभभाई पटेल यांच्या प्रतिमेला पुष्पहार अर्पण करण्यात आला. विद्यापीठाचे कुलसचिव डॉ. व्ही. ए. कोठीवाले यांची सर्वांचे स्वागत करून देशासाठी सध्या एकता, एकात्मता, सुरक्षितता महत्त्वाची आहे असे सांगितले. तसेच सरदार वल्लभभाई पटेल यांच्या कार्याचाही परिचय करून दिला.
प्राचार्य जे. एन. महंतशेट्टी यांनी सर्वांना राष्ट्रीय एकतेची शपथ दिली. एनएसएसच्या समन्वयक डॉ. अश्विनी नरसण्णवर यांनी आभार मानले. एनएसएस अधिकारी डॉ. नागराज पाटील यांनी सूत्रसंचालन केले. या कार्यक्रमास प्राचार्य, विद्यापीठाचे अधिकारी, प्राध्यापक व शिक्षकेत्तर कर्मचारी उपस्थित होते. कोविडच्या पार्श्वभूमीवर हा कार्यक्रम साधेपणाने व नियमांचे पालन करून पार पडला.