प्रतिनिधी / खेड
कोकण मार्गावर २ ते ३० डिसेंबर याकालावधीत दर बुधवारी चालवण्यात आलेल्या ‘वास्को द गामा-पाटणा’ सुपरफास्ट साप्ताहिक गाडीला प्रवाशांच्या मिळालेल्या उदंड प्रतिसादामुळे ६ जानेवारीपासून ही गाडी पुन्हा चालवण्याचा निर्णय रेल्वे प्रशासनाने घेतला आहे.
दक्षिण-पश्चिम रेल्वेच्या सहकार्याने चालवण्यात येणारी २१ डब्यांची ही गाडी पूर्णपणे आरक्षित असून ३० जानेवारीपर्यंत धावणार आहे. ही गाडी वास्को येथून दर बुधवारी सायंकाळी ७ वाजून ५ मिनिटांनी सुटून तिसऱ्या दिवशी सकाळी १२.१० वाजता पाटणा येथे पोहचेल . परतीच्या प्रवासात पाटणा येथून दर शनिवारी दुपारी २ वाजता सुटून तिसऱ्या दिवशी सकाळी ८.५५ वाजता ‘वास्को-द-गामा’ येथे पोहचेल. कोकण मार्गावर पनवेल, चिपळूण, रत्नागिरी, सावंतवाडी रोड आदी ठिकाणी थांबे देण्यात आले आहेत.