वार्ताहर/ आबलोली
गुहागर तालुक्यातील कोतळूक-उमदेवाडी येथील राजा हिंदुस्थानी कला, क्रीडा व सांस्कृतिक मंडळाच्यावतीने 13 ते 17 जानेवारीदरम्यान कै. मारूती आढाव स्मृति चषक टेनिस बॉल ओव्हरआर्म क्रिकेट स्पर्धेचे आयोजन करण्यात आले आहे.
विजेत्यास 21 हजार रूपये व उपविजेत्यास 15 हजार रूपये व चषक देऊन गौरवण्यात येणार आहे. तसेच मालिकावीर, उत्कृष्ट फलंदाज, गोलंदाज, अंतिम सामनावीर यांनाही बक्षिसे देण्यात येणार आहेत. इच्छुक संघांनी 10 जानेवारीपर्यंत अनिकेत आरेकर (9420717054), ओंकार बागकर (9403525263), वैभव बागकर, गणेश बागकर, मुकुंद ओक यांच्याशी संपर्क साधावा, असे आवाहन करण्यात आले आहे.