Tarun Bharat

कोरोना काळातही मोदी लोकप्रियतेत ‘टॉपर’

Advertisements

गेल्या वर्षभरात रेटिंग घसरले – मात्र अव्वल स्थान कायम, बायडेन सहाव्या स्थानी

नवी दिल्ली / वृत्तसंस्था

भारतीय पंतप्रधान नरेंद्र मोदी यांनी कोरोना काळातही आपला डंका सिद्ध केला आहे. त्यांची लोकप्रियता कायम असून ते जगातील अव्वल नेते असल्याचा निष्कर्ष ‘मॉर्निंग कन्सल्ट’ या अमेरिकन डाटा इंटेलिजन्स कंपनीने काढला आहे. मोदींच्या गुणांकनात पूर्वीपेक्षा आता घसरण झाली असली तरी जगातील इतर बडय़ा नेत्यांच्या तुलनेत त्यांची आघाडी आजही कायम टिकून आहे. पंतप्रधान मोदींचे ग्लोबल ऍप्रूव्हल रेटिंग 66 टक्के इतके असून त्यांनी अमेरिका, ब्रिटन, रशिया, ऑस्ट्रेलिया, जर्मनी आदी बडय़ा देशांच्या नेत्यांना पिछाडीवर टाकले आहे.

‘मॉर्निंग कन्सल्ट’ या संस्थेने जागतिक पातळीवर केलेल्या सर्वेक्षणात भारतीय पंतप्रधान नरेंद्र मोदी यांचा लोकप्रियता पुन्हा अव्वल ठरली आहे. सर्वेक्षणानुसार कोरोनाच्या दुसऱया लाटेदरम्यान त्यांचे ऍप्रूव्हल रेटिंग घसरले आहे. तथापि, आघाडीचे स्थान मात्र कायम टिकून आहे. या सर्वेक्षणासाठी भारतातील 2,126 लोकांची मते आजमावण्यात आल्याचे स्पष्टीकरण देण्यात आले आहे. ऍप्रूव्हल रेटिंगनुसार, मोदींपाठोपाठ इटलीचे पंतप्रधान मारियो ड्रगी यांचा 65 टक्केंसह दुसरा तर मेक्सिकोचे राष्ट्रपती लोपेज ओब्रेडोर 63 टक्के गुणांसह तिसऱया स्थानी आहेत. अमेरिकेचे अध्यक्ष जो बायडेन हे सध्या 53 टक्केंसह सहाव्या स्थानी आहेत. बायडेन यांच्यापेक्षा ऑस्ट्रेलियाचे पंतप्रधान स्कॉट मॉरिसन (54 टक्के) आणि जर्मनीच्या चॅन्सेलर एंजेला मर्केल (53 टक्के) यांनी आघाडी घेत अनुक्रमे चौथे आणि पाचवे स्थान मिळवले आहे.

कॅनडाचे पंतप्रधान जस्टिन ट्रुडो (48 टक्के), ब्रिटनचे पंतप्रधान (44 टक्के), दक्षिण कोरियाचे राष्ट्रपती मून जेईन (37 टक्के), स्पेनचे पेट्रो सांचेज (36 टक्के), ब्राझीलचे राष्ट्राध्यक्ष इमॅन्युअर मॅक्रॉन (35 टक्के) आणि जपानचे पंतप्रधान योशिहिदे सुगा (29 टक्के) अशी पुढील क्रमावारीही ‘मॉर्निंग कन्सल्ट’कडून जाहीर करण्यात आली आहे.

Related Stories

म्हणून साजरा करतात ‘कारगिल विजय दिवस’

Nilkanth Sonar

देशवासियांना मोठा दिलासा; केंद्रीय आरोग्यमंत्र्यांनी दिली पॉझिटिव्ह बातमी

Archana Banage

इंधन दरवाढ सुरुच; जाणून घ्या आजचा दर

Tousif Mujawar

12 प्रकारचे असते मीठ

Patil_p

पदवी निकालासाठी होणार विलंब

Patil_p

तिरुपति विमानतळावर वाद, चंद्राबाबू ताब्यात

Patil_p
error: Content is protected !!