आर्थिक कमकुवत वर्गांच्या मदतीला प्राधान्य देण्याच्या सूचना
वृत्तसंस्था/ नवी दिल्ली
एशियन डेव्हलमेंट बँकेने (एडीबी) भारताला 1.5 अब्ज डॉलर्सचे कर्ज देण्यास मंजुरी दिली आहे. कोरोना महामारीविरोधातील युद्धासाठी मदत म्हणून हे कर्ज देण्यात येत असल्याचे बँकेचेअध्यक्ष मात्सुगु असकावा यांनी म्हटले आहे.
कोरोनाविरोधात भारताने आतापर्यंत नियंत्रण ठेवण्यासाठी केलेले प्रयत्न प्रशंसनीय असल्याचे त्यांनी म्हटले आहे. म्हणूनच कोरोनाची साथ रोखण्याबरोबरच गरीब आणि आर्थिक कमजोर वर्गाला सामाजिक संरक्षण आणि प्राथमिक गरजांची पूर्तता करण्यासाठी त्याचा वापर करता येणार आहे. ही मदत तातडीने दिली जाणार आहे. आपत्कालीन परिस्थितीमध्ये एडीबी भारताला मदत देण्यास कटीबद्ध आहे. आरोग्य, गरीब, असंघटीत कामगार, लघु आणि मध्यम उद्योग, वित्तीय क्षेत्रातील परिणाम रोखण्यासाठी या निधीचा वापर करता येणार आहे.