कोल्हापूर / प्रतिनिधी
कोरोनाच्या वाढत्या रुग्णसंख्या व मृत्युदराच्या पार्श्वभूमीवर शनिवारी मध्यरात्री बारापासून रविवारी (दि.23)पर्यंत जिल्ह्यात कडक लॉकडाऊन करण्यात येणार आहे. या लॉकडाऊनमध्ये दूध सेवा व औषध सेवा वगळता सर्वच बंद ठेवण्यात येणार असल्याचे समजते. परंतु अधिकृत नियमावली ही गुरुवारी जाहीर केली जाणार आहे.
बुधवारी सकाळी व्हीडीओ कॉन्फरंसींगद्वारे पालकमंत्री सतेज पाटील, ग्रामविकास मंत्री हसन मुश्रीफ यांनी बैठक घेतली. यामध्ये जिल्हाधिकारी कार्यालयातून जिल्हाधिकारी दौलत देसाई, महापालिका आयुक्त डॉ. कादंबरी बलकवडे, पोलीस अधीक्षक शैलेश बलकवडे, जिल्हा परिषदेचे मुख्य कार्यकारी अधिकारी संजयसिंह चव्हाण आदी आदी तर `व्हीसी’द्वारे जिह्यातील आमदार सहभागी झाले होते.
यावेळी सर्वानुमते लॉकडाऊन करण्याचा निर्णय घेण्यात आला. लॉकडाऊनची नियमावली उद्या, गुरुवारी जाहीर केली जाणार आहे.