इंदिरा रिक्षा चालक संघटनेची आमदार प्रकाश आवाडे यांच्याकडे मागणी
चंदूर / वार्ताहर
चंदुर येथील आभार फाटा ते शाहूनगर दरम्यानच्या रस्त्यावर मोठमोठे खड्डे पडल्यामुळे रस्ता खराब झाला असून अनेक अपघात या खड्ड्यांमुळे घडत आहेत. दररोज वाहतूक करणारे व रिक्षा वरती उपजीविका असणारे अनेक रिक्षाचालक सदर रस्त्यावरून प्रवासी वाहतूक करतात. त्यांना या रस्त्याच्या दुरवस्थेमुळे जीव मुठीत धरून वाहतूक करावी लागत आहे. यामुळे या रस्त्याची आमदार फंडातून तात्काळ दुरुस्ती करून द्यावी अशी मागणी इंदिरा ऑटो रिक्षा युनियनच्या सर्व पदाधिकाऱ्यांनी आमदार प्रकाश आवाडे यांची भेट घेऊन मागणी केली आहे. यावर प्रकाश आवाडे यांनी लवकरच रस्त्याचे काम पूर्णत्वास नेऊ असे आश्वासन दिले आहे.