कोल्हापूर : इचलकरंजीत जुगार अड्यावर छापा; बारा जणांना अटक

प्रतिनिधी / इचलकरंजी

शहरातील षटकोण चौकातील बाळनगरमध्ये सुरू असलेल्या तीन पानी जुगार अड्ड्यावर पोलिसांनी छापा टाकला. यामध्ये 12 जणाना अटक करीत, त्याच्याकडून 5 मोटारसायकल, 8 मोबाईल व 13 हजार 500 रूपयांच्या रोकडसह 2 लाख 46 हजारांचा मुद्देमाल जप्त केला. ही कारवाई पोलीस उपअधीक्षक बाबूराव महामुनी यांच्या पथकाने केली. या कारवाईमध्ये कॉन्स्टेबल सुनील पाटील, सागर हारगुले, जावेद आंबेकारी, सदाम शेख आदींनी भाग घेतला.