Tarun Bharat

कोल्हापूर : एक हजार`रेमडेसिवीर’ची खरेदी करा – जिल्हाधिकारी

Advertisements

प्रतिनिधी / कोल्हापूर

कोरोना महामारीची दुसरी लाट आल्यापासून जिह्यात रेमडेसिवीर इंजेक्शनची टंचाई आहे. सर्वसामान्य रुग्णांना इंजेक्शन उपलब्ध होण्यासाठी आणि काळाबाजार रोखण्यासाठी जिल्हाधिकारी कार्यालयाच्या नियंत्रण कक्षांतर्गत रेमडेसिवीरचा पुरवठा सुरु आहे. तरीही खासगीसह सरकारी रुग्णालयांमधील अत्यवस्थ रुग्णांना इंजेक्शन उपलब्ध होत नसल्याचे चित्र आहे.या पार्श्वभूमीवर जिल्हाधिकारी दौलत देसाई यांनी शनिवारी बैठक घेऊन आपत्ती निवारण निधीतून 1 हजार रेमडेसिवीर इंजेक्शन खरेदी करण्याचे आदेश जिल्हा शल्यचिकीत्सक डॉ.अनिल माळी यांना दिले.

रेमडेसिवीर इंजेक्शनच्या टंचाईच्या पार्श्वभूमीवर जिल्हाधिकारी दौलत देसाई यांनी शनिवारी जिल्हा आरोग्य अधिकारी डॉ. योगेश साळे, जिल्हा शल्यचिकीत्सक डॉ.अनिल माळी, महानगरपालिका आरोग्य विभाग व अन्न औषध विभागाचे अधिकाऱ्यांची बैठक घेतली. या बैठकीत जिल्हाधिकाऱयांनी रुग्णालयांकडून दररोज होणारी इंजेक्शनची मागणी आणि पुरवठ्याचा आढावा घेतला. यामध्ये शनिवारी रुग्णालयांकडून 1 हजार 600 इंजेक्शनची मागणी कळवली आहे. मात्र केवळ 250 इंजेक्शन्स उपलब्ध झाले असल्याचे अन्न-औषध विभागाच्या अधिकाऱयांनी सांगितले.

त्यामुळे इंजेक्शनची टंचाई दूर करण्यासाठी जिल्हाधिकाऱयांनी आपत्ती निवारण निधीतून तत्काळ 1 हजार इंजेक्शन खरेदी करण्याचे आदेश जिल्हा शल्यचिकीत्सकांना दिले आहेत. येत्या दोन दिवसात खरेदी प्रक्रिया पूर्ण करून इंजेक्शन उपलब्ध करण्याचे निर्देशही त्यांनी दिले आहेत. त्यामुळे आगामी काळात कोरोनाबाधित रुग्णांना पुरेशा प्रमाणात इंजेक्शन उपलब्ध होणार आहे.

Related Stories

Kolhapur : आधुनिक तंत्रज्ञानाच्या काळात शिक्षकांनी अपडेट राहावे

Abhijeet Khandekar

कोल्हापूर : ‘गंदगी मुक्त भारत’ अभियानातून गावस्तरावर राबविले जाणार स्वच्छता उपक्रम

Archana Banage

अभिनेते महेश कोठारेंना नटश्रेष्ठ जयशंकर दानवे कलायात्री पुरस्कार जाहीर

Archana Banage

अंबाबाई मंदिर परिसर तणावमुक्त, बॉम्बच्या अफवेचा भाविकांवर परिणाम नाही

Archana Banage

मजरे कासारवाडा येथील युवकाचा शॉक लागून जागीच मृत्यू

Archana Banage

संचारबंदीचे उल्लंघन केल्याप्रकरणी साखर कारखान्यावर कारवाई

Archana Banage
error: Content is protected !!