Tarun Bharat

कोल्हापूर जिल्हा बँकेसाठी माजी आमदार महादेवराव महाडिक यांचा अर्ज दाखल

Advertisements

पुलाची शिरोली / वार्ताहर


महाडिक, कोरे व आवाडे या युतीमुळे जिल्ह्यातील राजकारणाला एक नवीन दिशा मिळेल. असे मत माजी आमदार महादेवराव महाडिक यांनी व्यक्त केले. ते शिरोली येथील महाडिक कार्यालयात कोल्हापूर जिल्हा मध्यवर्ती सहकारी बँकेच्या निवडणूकीसाठी हातकणंगले तालुक्यातून सोसायटी गटातून उमेदवारी अर्ज दाखल करण्यापूर्वी आयोजित मेळाव्यात बोलत होते. अध्यक्षस्थानी वारणा बँकेचे उपाध्यक्ष उत्तम पाटील लाटवडेकर हे होते.

ते पुढे म्हणाले, जिल्ह्यातील काही राजकीय लोकांना महाडिक, आवाडे, कोरे यांची युती होवू नये असेच वाटत होते. यासाठी त्यांनी वेगवेगळ्या प्रकारे खो घातला होता. पण उशिरा का होईना जिल्हा बँकेच्या निवडणुकीच्या माध्यमातून आमची युती झाली आहे. यामुळे जिल्ह्यात वेगळे वातावरण निर्माण झाले आहे.‌ ते पुढे म्हणाले, जिल्हा बँकेची निवडणूक बिनविरोध व्हावी अशी सर्वच नेत्यांची भुमिका आहे. पण सध्याची परिस्थिती पाहता काही ठिकाणी बिनविरोध तर कांही ठिकाणी लढत होईल असे चित्र पहावयास मिळत आहे.

आपण जिल्हा बँकेच्या माध्यमातून सर्वसामान्य शेतकऱ्यांना गटातटाचा विचार न करता सहकार्य केले आहे.‌ त्यामुळेच माझा उमेदवारी अर्ज दाखल करताना आवाडे, कोरे व महाडिक गटाचे ११५ ठराव धारक उपस्थित आहेत.‌घरगुती कार्यक्रम असल्याने सहाजणांनी फोनवरून पाठिंबा जाहीर केला आहे. त्यामुळे १३६ पैकी १२१ ठराव आपल्या बाजूने असल्याचा दावा महाडिक यांनी केला. यावेळी वारणा बँकेचे उपाध्यक्ष उत्तम पाटील यांनी आमदार डॉ. विनय कोरे यांचा जनसुराज्य शक्ती पक्ष व पेठवडगाव बाजार समितीचे माजी सभापती विलासराव खानविलकर यांनी आमदार प्रकाशराव आवाडे यांची ताराराणी आघाडी यांचा माजी आमदार महादेवराव महाडिक यांना पाठींबा जाहीर केला.

याप्रसंगी माजी आमदार अमल महाडिक, वारणा साखर कारखाना संचालक सुभाष पाटील, वारणा बँकेचे व्हा. चेअरमन उत्तम पाटील, वारणा दूध संघाचे संचालक राजवर्धन मोहिते, जवाहर साखर कारखाना संचालक आदगोंडा पाटील, आण्णासाहेब गोटखिंडे, राजाराम साखर कारखान्याचे चेअरमन दिलीप पाटील, माजी चेअरमन शिवाजीराव पाटील, श्रीकांत सावंत, प्रताप उर्फ बंटी पाटील, शिवाजीकाका पाटील, संभाजी महाडिक, प्रकाश कौंदाडे, सुभाष भापकर, नंदकुमार पाटील, उदय पाटील, भगवान पाटील, नितीन चव्हाण आदीसह ११५ ठरावधारक उपस्थित होते. स्वागत प्रास्ताविक सुरेश पाटील यांनी केले आभार दिलीप पाटील यांनी मानले.

Related Stories

रुईकर कॉलनीजवळ एसटीला मोपेडची धडक, तरुण गंभीर

Abhijeet Shinde

कोल्हापूर : डी. वाय. पाटील कारखान्‍यातर्फे गगनबावडा तालुक्‍यासाठी रूग्‍णवाहिकेचे लोकार्पण

Abhijeet Shinde

कागल तालुक्यातील ९ जण कोरोना मुक्त

Abhijeet Shinde

नोव्हेंबरच्या पहिल्या आठवड्यात पेठ वडगाव येथे शेतकरी परिषद

Abhijeet Shinde

पन्हाळगडावर येताय ? मग जरा जपुनच…

Abhijeet Shinde

कोल्हापूर : थकीत घरफाळा, पाणीपट्टीसाठी पाणी कनेक्शन कट करण्याच्या मोहिमेला पोलीस संरक्षणात सुरुवात

Abhijeet Shinde
error: Content is protected !!