आजरा तालुक्यात सलग दुसऱ्या दिवशी कोरोनाचा बळी
कोल्हापूर/प्रतिनिधी
जिल्ह्यात आज दुपारी आजरा तालुक्यातील कोरोना बाधित व्यक्तीचा मृत्यू झाला आहे. त्या व्यक्तीचा सीपीआरमध्ये उपचार सुरु असताना मृत्यू झाला. त्यामुळे जिल्ह्यात कोरोनामुळे मृत्यू झालेल्या रुग्णांची संख्या ८ वर पोहचली आहे.
शुक्रवारी सायंकाळी मेंढोली (ता. आजरा) येथील कोरोनाबाधित व्यक्तीचा उपचारासाठी सीपीआर येथे नेत असताना वाटेतच मृत्यू झाला होता. त्यामुळे आजरा तालुक्यातील तो पहिला कोरोना बळी ठरला होता. उपचारादरम्यान आज दुपारी आणखी एकाचा कोरोनामुळे मृत्यू झाल्याने तालुक्यात कोरोनाने बळी घेतलेल्या रुग्णांची संख्या दोन वर पोहचली आहे.
जिल्ह्यात आज दुपारपर्यंत एकही पॉझिटिव्ह रुग्ण सापडलेला नाही. ही एक दिलासादायक बातमी आहे. जिल्ह्या नवीन कोरोना रुग्ण सापडलेला नसला तरी एका कोरोना पॉझिटिव्ह व्यक्तीचा मृत्यू झाला आहे. आजरा तालुक्यात आज सलग दुसऱ्या दिवशी कोरोनाने बळी घेतला आहे. त्यामुळे आजरा आणि परिसरात भीतीचे वातावरण आहे.