प्रतिनिधी / कोल्हापूर
कोल्हापूर जिल्ह्यात कोरोनाचे नवे दहा रुग्ण आढळले. यामध्ये शहरात आठ तर संपूर्ण जिल्ह्यात दोन रुग्ण मिळून आले. दिवसभरात दहा रुग्णांना डिस्चार्ज देण्यात आला. सक्रीय रुग्ण संख्या 110 इतकी आहे. आरोग्य विभागाकडून शुक्रवारी प्राप्त झालेल्या अहवालानुसार आजरा, भुदरगड, चंदगड, गगनबावडा, हातकणंगले, कागल, करवीर, पन्हाळा, राधानगरी, शाहूवाडी, शिरोळ, तालुक्यात एकही रुग्ण आढळला नाही.
तर गडहिंग्लज तालुका आणि जयसिंगपूर नगरपालिका हद्दीत प्रत्येकी एक रुग्ण आढळला. आरटीपीसीआर चाचणीच्या 186 अहवालामधून तीन, खासगी हॉस्पिटल, लॅबच्या 1665 अहवालामधून सात जणांचा अहवाल पॉझिटीव्ह प्राप्त झाला.