वार्ताहर/शिये
शिये ( ता.करवीर) येथील गावभागातील त्या पॉझिटिव्ह तरुणाच्या संपर्कातील सहा जणांचे कोरोना अहवाल काल, शनिवारी रात्री उशिरा निगेटिव्ह आल्याने शियेकरांना दिलासा मिळाला आहे.
९ जुलै, गुरुवारी रात्री उशिरा गावभागातील तरुणांचा कोरोना अहवाल पॉझिटिव्ह आला. त्यामुळे ग्रामस्थामध्ये प्रचंड भितीचे वातावरण निर्माण झाले. पॉझिटिव्ह तरुणाच्या प्रथम संपर्कातील सहा जणांना कोरोना चाचणीसाठी शुक्रवारी सकाळी सीपीआर रुग्णालयात पाठवले. त्यामुळे ग्रामस्थांच्या चिंतेत भर पडली. शनिवारी रात्री सहा जणांचे अहवाल निगेटिव्ह आल्याने गावकऱ्यांनी सुटकेचा निःश्वास सोडला.
तरीही ग्रामस्थांनी गाफील राहू नये. आपल्या परिवाराच्या व गावच्या सुरक्षेसाठी सर्व नियमांचे काटेकोरपणे पालन करावे असे आवाहन सरपंच रणजित कदम यांनी केले आहे.