प्रतिनिधी / शिरोळ
गेल्या पंधरा दिवसात शिरोळ तालुक्यात कोरोनामुळे आठ जणांचा बळी गेला असून आज अखेर 130 जणांना बाधा झाली आहे. मंगळवार 21 रोजी 5 लोकांचे रिपोर्ट पॉझिटिव्ह आले आहे. या संपर्कात आलेल्या अलगीकरण कक्षात ठेवण्यात आले असल्याची माहिती तालुका वैद्यकीय अधिकारी डॉ. पी एस दातार यांनी दिली
दत्तवाड ता. शिरोळ येथील एका खाजगी डॉक्टरांचा रिपोर्ट पॉझिटिव्ह आला आहे. त्यांच्या संपर्कात खिद्रापूर एक व सुरत येथील चार असे पाच लोकांचे रिपोर्ट आज पॉझिटिव्ह आले आहेत. शिरोळ तालुक्यात कोरोनाने थैमान मांडले असून दतवाड, घोसरवाड, खिद्रापूर, दानवाड परिसरात भीतीचे वातावरण पसरले आहे. कोरोनाचा वाढता आकडा लक्षात घेता जिल्हाधिकारी यांनी 26 तारखेपर्यंत लॉकडाऊन जाहीर केला आहे. शिरोळ तालुक्यात आज दुसऱ्या दिवशीही अत्यावश्यक सेवा वगळता कडकडीत बंद पाळण्यात आला.