”खरे सूत्रधार सिल्व्हर ओक आणि वर्षावर बसलेत”

मुंबई \ ऑनलाईन टीम

राज्याचे माजी गृहमंत्री अनिल देशमुख यांच्या नागपूर आणि मुंबईतील निवासस्थानी सक्तवसुली संचालनालयाकडून (ईडी) छापा टाकण्यात आला आहे. ईडीच्या छापेमारीनंतर राजकीय क्षेत्रातून विविध प्रतिक्रिया उमटताना दिसत आहेत. भाजप आमदार अतुल भातखळकर यांनी देखील सोशल मीडियाच्या माध्यमातून खरे सूत्रधार सिल्व्हर ओक आणि वर्षावर बसलेत असा आरोप केला आहे.

अतुल भातखळकर यांनी ट्वीट करत म्हटले आहे की, आज ED ची कारवाई ज्यांच्यावर झाली ते अनिल देशमुख आणि त्याच प्रकारचे आरोप असलेले अनिल परब ही प्यादी आहेत. खरे सूत्रधार सिल्व्हर ओक आणि वर्षावर बसलेत.

सिल्व्हर ओक हे राष्ट्रवादी पक्षाचे अध्यक्ष शरद पवार यांच्या बंगल्याचं नाव आहे. तर वर्षा हे मुख्यमंत्री उद्धव ठाकरेंच्या बंगल्याचं नाव आहे. त्यामुळे भातखळकर यांनी अप्रत्यक्षपणे उद्धव ठाकरे आणि शरद पवार यांच्यावरच आरोप केले आहेत.