Tarun Bharat

खानापूर बेळगाव राष्ट्रीय मार्गावरही आता नाकेबंदी

Advertisements

खानापूर/ वार्ताहर –

बेळगाव जिह्यात वाढत्या कोरोना रुग्णांची संख्या लक्षात घेता खानापूर तालुका पोलिस प्रशासनाने याची गांभीर्याने दखल घेऊन सर्वत्र नाकेबंदी हाती घेतली आहे.   दोन दिवसापूर्वी खानापूर शहर पूर्णतः डाऊन करण्यात आले. सकाळच्या प्रहरी   केवळ दुपारी बारा वाजेपर्यंत बाजाराला मुभा दिली जात आहे. त्यानंतर शहर परिसरात शुकशुकाट पसरत आहे. बेळगाव भागातिल कोरोना वाढती धास्ती लक्षात घेता बेळगाव महामार्गावरील सीमेवर प्रभूनगरनजीक नवा चेक पोस्ट उभारून बेळगाव भागातून खानापुरात किनाऱयावर करडी नजर ठेवण्यात आली आहे. बेळगाव तालुक्मयातून खानापूर तालुक्मयात तसेच खानापूर तालुक्मयातून बेळगाव तालुक्मयात संपूर्ण प्रवेश बंद करण्यात आला आहे. खानापूर पोलिसांकडून या चेकपोस्टवर 24 तास पहारा ठेवला जात असून पासधारक वाहनांशिवाय कोणालाही आत व बाहेर प्रवेश दिला जाणार नाही. बेळगाव तालुक्मयात कोरोनाग्रस्त रुग्णांचा आकडा वाढत आहे. बेळगाव शहर आणि तालुक्मयात अनेक ठिकाणी सीलडाऊन तसेच हॉटस्पॉट म्हणून जागा निश्चिती करण्यात आली आहे. अशा परिस्थितीत अनेकजण सुरक्षित वास्तव्यासाठी बेळगाव परिसरातून खानापुरातील नातेवाईकांकडे येण्यासाठी प्रयत्न करत आहेत. यावर उपाय म्हणून दोनच दिवसापूर्वी पोलिसांनी खानापूर शहरात प्रवेश करणारे 19 रस्ते वाहतुकीसाठी बंद केले आहेत. त्यानंतर आता महामार्गावरील वाहतूक व्यवस्थेकडे लक्ष केंद्रित केले असून काटगाळी क्रॉस व प्रभूनगर या दरम्यान असलेल्या बेळगाव खानापूर तालुक्मयाच्या सीमेवर तात्पुरता चेक पोस्ट उभारण्यात आला आहे. सरकारी वाहने, जीवनावश्यक वस्तूंची ने-आण करणारी वाहने आणि पास धारकांनाच महामार्गावरून वाहतुकीसाठी प्रवेश दिला जाणार आहे. पोलीस निरीक्षक सुरेश शिंगी आणि उपनिरीक्षक बसनगौडा पाटील यांनी आज चेक पोस्टला भेट देऊन तेथील पोलिस कर्मचाऱयांना बंदोबस्त संदर्भात सूचना केल्या. याठिकाणी बेळगावहून खानापूरकडे अथवा खानापूरहून बेळगावकडे जाणाऱया प्रत्येकाची तपासणी केली जात आहे. अनावश्यक खेळणार यांच्यावर करडी नजर घेऊन पोलीस प्रशासनाने लॉकडाऊनची काटेकोरपणे अंमलबजावणी करण्यास सुरुवात केली आहे.

Related Stories

नंदगड गावातील गटारीमधून घाणीचे साम्राज्य

Amit Kulkarni

कामत-माळी गल्ली येथे दुरुस्ती सुरूच

Amit Kulkarni

शिरुर येथील अपघातात चार ठार

Omkar B

तवंदीला 8 दिवसातून एकदा पाणी

Amit Kulkarni

भगवेमय वातावरण; हजारोंची उपस्थिती

Amit Kulkarni

कडोली शिवारातील केवळ 20 टक्के सुगी हंगामाची कामे पूर्ण

Omkar B
error: Content is protected !!