राधानगरी /प्रतिनिधी
सोन्याची शिरोली, ता. राधानगरी येथील महिला अलका लहुराज चौगले (वय वर्ष 45) या गैबी येथे आपल्या शेरी येथील शेतात कामासाठी गेल्या असता दबा धरून बसलेल्या गव्याने हल्ला चढवला, त्यात त्या गंभीर जखमी झाल्या आहेत. शेतातील इतर लोकांनी गव्याला हुसकावून लावून त्यांना राधानगरी येथील ग्रामीण रुग्णालयात उपचारासाठी दाखल केले. दरम्यान, सदरच्या महिलेला ग्रामिण रुग्णालयात उपचार करून पुढील उपचारासाठी त्यांना सीपीआर येथे दाखल करण्यात आले आहे.