Tarun Bharat

गोकुळ शिरगाव एमआयडीसीत भीषण आग; दीड कोटींचे नुकसान

गोकुळ शिरगाव / वार्ताहर

कोल्हापूर जिल्ह्यातील गोकुळ शिरगाव एमआयडीसी मध्ये आज भीषण आग लागली. सरोज पॉलीमर्स या कंपनीमध्ये आज दुपारी चारच्या सुमारास फर्नेस ऑईलने पेट घेतला. संपूर्ण कंपनीला आगीने विळख्यात घेतल्याने जवळपास एक ते दीड कोटीचे नुकसान झाले आहे. सुदैवाने यामध्ये कोणतीही जीवितहानी झालेली नाही.

गोकुळ शिरगाव येथे D 60/ 3 या कंपनीमध्ये सीएनसी, व्हीएमसी मशीन शॉप असून यामध्ये ऑईलचे बॅरेल होते. रविवारी दुपारी चारच्या सुमारास फर्नेस ओईल मध्ये अचानक शॉर्टसर्किट झाल्याने काही क्षणातच संपूर्ण कंपनीला आगीने वेढा दिला.

ऑईलचे बॅरेल असल्या कारणाने ही आग मोठ्या प्रमाणात उसळत होती. ह्या आगीला आटोक्यात आणण्यासाठी कागल पंचतारांकित औद्योगिक वसाहतीमधील अग्निशामक बंब, कागल महापालिका अग्निशमन दलाचा बंब व कोल्हापूर महापालिका अग्निशामक दलाचे बंब तिन्ही एकत्र आल्याने ही आग आटोक्यात आली. पण एक ते दोन तासात या आगीने कंपनीचे जवळपास एक ते दीड कोटी रुपयांचे नुकसान झाल्याचे कंपनी मालक यांनी सांगितले. या घटनेची नोंद गोकुळ शिरगाव पोलिस ठाण्यात झाली असून अधिक तपास सपोनि सुशांत चव्हाण करीत आहेत.

Related Stories

पैश्याचा वादातून व्यापाऱ्याचे अपहरण

Archana Banage

रेशनकार्डवरील धान्य पुरवठा यादी ग्रामपंचायतीच्या नाववार देणे आवश्यक

Archana Banage

लिंकींगची सक्ती केल्यास कंपन्यांवर कारवाई

Archana Banage

वारणा नदीत बेवारस मृतदेह सापडला : शर्टवर सातवेचे नांव

Abhijeet Khandekar

कोल्हापूर : कापड व्यापाऱ्यावर हनी ट्रॅप, अल्पवयीन मुलीचा वापर,अडीच लाख रुपयांना गंडा

Abhijeet Khandekar

त्यागाचा संदेश देणारा नाताळ सण

Archana Banage