वार्ताहर / गोकुळ शिरगाव
कोरोनाच्या पार्श्वभूमीवर गेल्या 20 मार्च पासून गोकुळ शिरगाव औद्योगिक वसाहत बंद असल्याने या ठिकाणी बरेच परप्रांतीय कामगार काम करत होते. पण औद्योगिक वसाहत बंद झाल्याने या लोकांचा रोजगार गेल्यामुळे हे मजूर आपल्या गावी जाण्यासाठी गेल्या पंधरा दिवसांपासून धडपडत होते. आज त्यांना रीतसर ग्रामपंचायतमध्ये फॉर्म भरून ज्या मजुरांनी नोंद केली होती. त्या सर्व कामगार मजुरांना आज कनेरीवाडी ग्रामपंचायत येथून मध्यप्रदेशकडे जाणाऱ्या गोकुळ शिरगाव एमआयडीसी येथील कणेरीवाडी हद्दीतील परप्रांतीय मजुरांना कोल्हापूर महानगरपालिकेच्या बसेस मधून कोल्हापूर रेल्वे स्थानकाकडे पाठवण्यात आले. तेथून त्यांना मध्यप्रदेशमध्ये पाठवण्यात येणार आहे. यावेळी कन्हेरवाडी येथील तलाठी इंद्रेकर, उपसरपंच अजित मोरे. शिवसेना तालुकाप्रमुख विनोद खोद.हिंदुराव कदम. सुरेश खोत. सुरेश वारके यावेळी आदि. मान्यवर उपस्थित होते.