प्रतिनिधी / मिरज
विविध प्रलंबित मागण्यांसाठी शासकीय वैद्यकीय महाविद्यालय व रुग्णालयात काम करणारे चतुर्थश्रेणी कर्मचारी गुरूवारी देशव्यापी संपावर जात आहेत. चतुर्थश्रेणी कर्मचाऱ्यांच्या राज्य संघटनेने हा संप पुकारला आहे. या आंदोलनाला मिरज शासकीय वैद्यकीय रुग्णालयातील कर्मचाऱ्यांनीही पाठींबा दर्शविला असून, गुरुवारी सर्वच कर्मचारी संपावर जात आहेत, अशी माहिती चतुर्थश्रेणी कर्मचारी संघटनेचे जिल्हा अध्यक्ष संजय व्हनमाने यांनी दिली. याबाबत अधिष्ठाता डॉ. सुधीर नणंदकर यांना निवेदन देण्यात आले.