Tarun Bharat

जन्मदात्या मुलानेच मित्रांच्या मदतीने केला बापाचा खून

टेंभुर्णी पोलिसांना खुनाचा छडा लावण्यात यश

प्रतिनिधी/ बेंबळे

शिराळ ता. माढा येथील खासगी सावकारकी करणाऱ्या संजय मारूती काळे वय ५० यांचा खुनाचा छडा टेंभुर्णी पोलिसांना लावण्यात यश आले असून फिर्यादीच आरोपी निघाला आहे. शेवरे ता. माढा हद्दीत उजनी कालव्या नजीक संजय काळे यांचा खून करून त्यांचा मृतदेह टायर पेटवून पुरावा नष्ट कराण्याचा उद्देशाने त्यांचा चारचाकी वाहनासह पेटवून दिला होता. ही घटना २६ रोजी सकाळी उघडकीस आली होती. मयताचा मुलगा आकाश संजय काळे वय २० हा मुख्य आरोपी निघाला आहे.

याबाबत अधिक माहिती अशी की , मयताच्या मुलासह आणखी दोन साथीदारांना अटक करण्यात आली असून ३ ऑगस्ट पर्यंत सहा दिवासांची पोलीस कोठडी तीन आरोपींना मिळाली आहे. पोलीस सुत्रांकडून मिळालेल्या माहिती नुसार रविवारी सकाळी सात वाजता संजय काळे यांचा वाहनासह मृतदेह अर्धवट जळालेल्या आवस्थेत टेंभुर्णी अकलूज रस्त्यापासून सहाशे फूट अंतरावर झाडीत मिळून आला होता. मयत संजय काळे यांचा मुलगा आकाश याने टेंभुर्णी पोलीस ठाण्यात आज्ञात आरोपींचा विरोधात फिर्याद दिली होती. तो फिर्याद देत असताना टेंभुर्णी पोलीसांनी त्याचा जबाबात वीसंगती आढळून येऊ लागल्याने संशय बळावला होता. विश्वासात घेऊन विचारताच आपल्या बापाचा खून मीच आणखी दोन साथीदारासह केला असल्याची कबूली सोमवारी सकाळी दिली होती. संजय काळे यांचा घरातच खून करून छोटा हत्ती या वाहनात घालून शेवरे येथील कॕनल फाटा येथे नेला होता. आणखी दोन साथीदार ताब्यात घ्यायचे असल्याने टेंभुर्णी पोलीसांनी गुप्तता पाळली होती. यातील लक्ष्मण रघुनाथ बंदपट्टे वय २७, अल्लाउद्दीन उर्फ आलम बासू मुलाणी दोघे रा. सुर्ली ता. माढा या आरोपींना अटक करण्यात आली आहे.

ही कारवाई पोलीस अधिक्षक मनोज पाटील, अप्पर पोलीस अधिक्षक अतूल झेंडे, उपविभागीय पोलीस अधिकारी डॉ. विशाल हिरे, पोलीस निरीक्षक राजकुमार केंद्रे, सहाय्यक पोलीस निरीक्षक अमित शितोळे, सुशिल भोसले, सहाय्यक फौजदार आशोक बाबर, अभिमान गुटाळ, दत्तात्रय वजाळे, धनाजी शेळके, विनोद पाटील, बाळासाहेब चौधरी, अन्वर आत्तार यांचा पथकाने केली.

Related Stories

लालमहाल चित्रीकरणावरून उदयनराजे संतापले, म्हणाले…

datta jadhav

रेल्वेच्या नियोजनशून्य कारभाराने बार्शी कासरवाडी रस्ता बंद

Archana Banage

आघाडी सरकारच्या विरोधात भाजपचे 72 तास अन्नत्याग आंदोलन सुरू

Archana Banage

सातारा : हरिहरेश्वर बँकेत 37 कोटी 46 लाखांचा गैरव्यवहार, 29 जणांवर गुन्हा दाखल

Archana Banage

विनाकारण फिराल तर कारवाईला सामोरे जाल…

Patil_p

सातारा : ‘मिसेस मुख्यमंत्री’ चे चित्रीकरण सुरू

Archana Banage