पंकज कपूर अन् डिंपल कपाडिया यांचा चित्रपट
दिग्गज अभिनेते पंकज कपूर आणि डिंपल कपाडिया यांचा आगामी चित्रपट ‘जब खुली किताब’चा फर्स्ट लुक समोर आला आहे. या रोमँटिक-कॉमेडी-ड्रामा चित्रपटाचे दिग्दर्शन सौरभ शुक्ला यांनी केले आहे. हा चित्रपटाची कहाणी त्यांनीच लिहिलेली असून तेच याची निर्मिती करत आहेत.
पंकज-डिंपल यांच्यासह चित्रपटात अपारशक्ती खुराना, समीर सोनी आणि नौहिद सायरसी देखील मुख्य भूमिकांमध्ये दिसून येणार आहेत. उत्तराखंडवर आधारित या चित्रपटाने अलिकडेच रानीखेतमध्ये स्वतःचे चित्रिकरण पूर्ण केले आहे. अप्लॉज एंटरटेनमेंट आणि शू स्ट्रफ फिल्म्सने या चित्रपटाच्या निर्मितीची जबाबदारी घेतली आहे.
50 वर्षांपर्यंत एकत्र राहिल्यावर वृद्ध जोडपे घटस्फोटाची मागणी करताना या चित्रपटात दिसून येणार आहे. हा चित्रपट नात्यांमधील उणीवा आणि कुटुंबावरील याच्या प्रभावाची कहाणी दर्शविणारा आहे. पंकज कपूर आणि डिंपल कपाडिया यासारखे दिग्गज कलाकार यात आहेत. कुठल्याही नात्यात पारदर्शकता आणि स्पष्टपणा असावा, पण स्वतःच्या नात्यांच्या सत्याला सामोरे जाण्यासाठी किती जण तयार असतात असे प्रश्नार्थक विधान सौरभ शुक्ला यांनी केले आहे.