ऑनलाईन टीम / श्रीनगर
श्रीनगर: जम्मू आणि काश्मीरमधील कुलगाम जिल्ह्यात मंगळवार दि. 4 जानेवारी 2022 रोजी सुरक्षा दल आणि दहशतवादी यांच्यात झालेल्या चकमकीत लष्कर-ए-तैयबाचे दोन दहशतवादी ठार झाले आहेत. अशी माहिती पोलिसांनी दिली.
दहशतवाद्यांबद्दल सुगावा लागल्यानंतर सुरक्षा दलांनी कुलगाम जिल्ह्यातील ओके गावात घेराबंदी आणि शोध मोहीम सुरू केली होती. जी चकमकीत बदलली, असे एका पोलीस अधिकाऱ्याने सांगितले. सुरक्षा दलांसोबत झालेल्या या गोळीबारात दोन अतिरेकी ठार झाले, असे अधिकाऱ्याने सांगितले.
काश्मीरचे पोलीस महानिरीक्षक विजय कुमार म्हणाले की, मारले गेलेले दोघे स्थानिक होते आणि ते एलईटीशी संबंधित होते. अनेक दहशतवादी गुन्ह्यांमध्ये त्यांचा सहभाग असल्याचे त्यांनी सांगितले.