प्रतिनिधी /बेंगळूर
कोरोना संसर्गातून कर्नाटकाला मुक्त करण्यासाठी सर्वतऱहेचे प्रयत्न केले जात आहेत. त्यामुळे सर्वांनी कोरोना प्रतिबंधक घ्यावी, असे आवाहन आरोग्यमंत्री डॉ. के. सुधाकर यांनी केले आहे. डिसेंबर अखेरपर्यंत सर्वांना लस देण्यात येणार आहे, अशी माहितीही त्यांनी दिली आहे.
राज्यात 18 वर्षांवरील सर्वांना मोफत लस देण्याच्या अभियानाला मुख्यमंत्री येडियुराप्पा यांनी चालना दिली आहे. त्यामुळे डिसेंबर अखेरपर्यंत सर्वांचे लसीकरण करण्याचे उद्दिष्ट राखण्यात आले आहे. कोरोना परिस्थिती असल्यामुळे यंदा योग दिन साधेपणाने साजरा करण्यात येत आहे, असेही ते यावेळी म्हणाले.