भेटीनिमित्त चलवादी महासभेच्यावतीने सत्कार
प्रतिनिधी /बेळगाव
डॉ. बाबासाहेब आंबेडकर निगम मंडळाचे चेअरमन माजी मंत्री एच. नागेश यांनी सुवर्णसौधला भेट दिली. यावेळी त्यांनी निगम मंडळाच्या कार्याची चौकशी करुन माहिती घेतली. ते बेळगावला आल्याची माहिती चलवादी महासभेला मिळाल्यानंतर कार्यकर्त्यांनी सुवर्णसौध येथे जाऊन त्यांचा सत्कार केला.
बेळगाव जिल्हा निगम मंडळाची चौकशी केली. बेळगाव जिल्हा हा मोठा जिल्हा असून या जिह्यात मोठय़ा प्रमाणात दलित कुटुंबे राहतात. त्यांच्यापर्यंत अधिकाधिक योजना पोहोचवा, सरकारकडून मिळणारे अनुदान त्यांच्यापर्यंत पोहोचविणे गरजेचे आहे. त्या दृष्टिने पाऊल उचला, असे त्यांनी येथील अधिकाऱयांना सांगितले.
यावेळी चलवादी महासभेचे जिल्हाध्यक्ष दुर्गेश मेत्री, दयानंद केरुरे, दीपक मेत्री, धनपाल अक्षीमनी, संजय कोलकार, पारीस कोलकार, कुमार दरबारे यांच्यासह संघटनेचे पदाधिकारी उपस्थित होते.