प्रतिनिधी /बेळगाव
पूज्य. श्री डॉ. शिवबसव महास्वामी यांचा 121 वा जयंती महोत्सव दि. 5 ते 8 डिसेंबर दरम्यान आर. एन. शेट्टी पॉलीटेक्नीक येथे साजरा करण्यात येणार आहे. या सोहळय़ाला नागनूर रुद्राक्षीमठाचे डॉ. अल्लमप्रभू महास्वामींचे मार्गदर्शन लाभले आहे.
दि. 5 रोजी सायंकाळी 5.30 वाजता अथणी येथील प्रभू चन्नबसव स्वामी लिखित महात्मर चरित्रामृत या ग्रंथाचे प्रकाशन होणार आहे. यावेळी धारवाडच्या मुरगा मठाचे मल्लिकार्जुन महास्वामी उपस्थित राहणार आहेत. तसेच डॉ. व्ही. एस. माळी, म्हैसूर विद्यापीठाचे कुलगुरू विलास करजीन्नी, बसवराज जगजंपी, सरजू काटकर, सागर बोरगल्ली व शंकर बागेवाडी उपस्थित राहणार आहेत. दि. 6, 7 रोजी सायंकाळी 5.30 वाजता विविध कार्यक्रम होणार असून बुधवार दि. 8 रोजी सकाळी 10.30 वाजता डॉ. शिवबसव महास्वामींच्या पुतळय़ाचे अनावरण तसेच सेवारत्न पुरस्काराचे वितरण होणार आहे. यावेळी शिरीगेरी येथील डॉ. शिवमूर्ती शिवाचार्य महास्वामी तसेच डंबळ गदग येथील सिध्दराम महास्वामी उपस्थित राहणार आहेत. या शिवाय हालकेरी येथील बसवलिंग महास्वामी, केंद्रिय मंत्री प्रल्हाद जोशी, जिल्हा पालकमंत्री गोविंद कारजोळ व गिरीश होसूर उपस्थित राहणार आहेत.