ऑनलाईन टीम / तमीळनाडू
तामिळनाडूतील कुन्नुर येथे लष्कराचे एम आय 17 व्ही 5 या प्रकारचे हेलिकॉप्टर कोसळले आहे. यामध्ये सरलष्कर प्रमुख बिपिन रावत यांच्यासह त्यांचे कुटूंबीय प्रवास करत असताना ही दुर्घटना घडली आहे. सरलष्कर प्रमुख रावत वेलिंग्टनहून दिल्लीला परतत असताना दुपारी १२.४० च्या दरम्यान ही घडली.
मिळालेल्या प्राथमिक माहितीनुसार या दुर्घटनेतील हेलिकॉप्टरमध्ये चीफ ऑफ डिफेन्स स्टाफ बिपीन रावत आणि त्यांची पत्नी ही प्रवास करत होत्या याच बरोबर आणखी १४ उच्च स्तरीय अधिकारी या हेलिकॉप्टरमधून प्रवास करत असताना ही दुर्घटना घडली असल्याची माहिती मिळाली आहे. घडलेली दुर्घटना खराब हवामानामुळे झाल्याचे सांगण्यात येत आहे. ही दुर्घटना इतकी भीषण होता की आजूबाजूला आगीच्या ज्वाला दिसत होत्या. एएनआय प्रसिद्ध केलेल्या वृत्तानुसार या अपघाताच्या ठिकाणी सापडलेले मृतदेह सापडले असुन जखमींना उपाचारासाठी तामिळनाडूमधील वेलिंग्टन मिलिटरी हॉस्पिटलमध्ये हलवले आहेत.