प्रतिनिधी/ बेळगाव
ग्रीन व्हॅली रिसॉर्ट नजीक घडली घटना
तिलारी जवळील ग्रीन व्हॅली रिसॉर्ट नजीक असलेल्या धबधब्यांमध्ये बुडून बेळगाव शहरातील युवकाचा मृत्यू झाला. ओमकार जगदीश दरवंदर (वय 22) रा.संतसेना रोड शास्त्रीनगर असे त्याचे नाव आहे. कॉलेजमधील मित्रांसह याठिकाणी तो फिरावयास गेला असताना ही घटना घडली. मृतदेहाचा शोध घेण्याचे काम सायंकाळपर्यंत सुरू होते. मात्र अंधार झाल्याने पुढील शोध मोहीम उद्या बुधवारी सुरू करण्यात येणार असल्याची माहिती पोलिसांनी दिली आहे.