Tarun Bharat

तेलंगणा : बलात्कार करणाऱ्या आरोपीचा मृतदेह आढळला रेल्वे रुळावर

Advertisements

ऑनलाईन टीम

तेलंगणामध्ये ६ वर्षीय चिमुरडीवर बलात्कार करणाऱ्या आरोपीचा मृतदेह रेल्वे रुळावर आढळून आला. मृताच्या शरीरावर गोंदवलेल्या चिन्हांच्या आधारे या मृताची ओळख पटवण्यात आली आहे. या फरार आरोपीचा मृतदेह घानपूर भागात रेल्वे रुळावर आढळला आहे. तेलंगणातील सैदाबाद भागात ९ सप्टेंबर रोजी ६ वर्षांच्या मुलीवर बलात्कार करून तिची हत्या करण्यात आली होती.

हैदराबादच्या सैदाबादमध्ये गुरुवारी, ९ सप्टेंबर रोजी ही घटना घडली होती. यातील ३० वर्षीय संशयित आरोपी हा पीडितेचा शेजारी होता. पिडीत चिमुकली घरातून बेपत्ता झाल्याच्या काही तासांनंतर आरोपीच्या घरात मृतावस्थेत आढळून आली होती. याप्रकरणी तपास करण्यासाठी पोलिसांनी तब्बल नऊ विशेष टीम तयार करुन फरार आरोपीचा शोध घेत होते.

विशेष म्हणजे फरार आरोपीला अटक करून त्याचं एन्काऊंटर करण्यात येईल असे तेलंगणाचे कामगार मंत्री मल्ला रेड्डी म्हणाले होते. त्यानंतर दुसऱ्याच दिवशी आरोपीचा मृतदेह सापडला आहे. आरोपीने पळून जाण्याचा प्रयत्न करताना ट्रेनसमोर उडी मारल्याचं पोलिसांनी सांगितलं आहे. तेलंगणच्या पोलीस प्रमुखांनी आरोपीच्या मृत्यूची माहिती दिली.

१० लाखांचं बक्षिस..

हैदराबादचे पोलीस आयुक्त अंजनी कुमार यांनी आरोपीची ओळख पटवून त्याच्याबद्दल माहिती देणाऱ्याला १० लाख रुपयांचं बक्षिस जाहीर केलं होतं. यासंबंधी बुधवारी एक निवेदनही जाहीर करण्यात आले होते.

Related Stories

लष्कर प्रमुख नरवणे यांनी घेतला लडाखमधील परिस्थितीचा आढावा; जवानांचे केले कौतुक

Tousif Mujawar

देशात चोवीस तासात 837 जणांचा मृत्यू

Patil_p

मोदी सरकार लोकशाहीचे चार स्तंभ मोडीत काढण्याच्या तयारीत: संजय राऊत

Archana Banage

विद्यार्थ्यांच्या परीक्षा न घेण्यावर महाराष्ट्र सरकार ठाम : उदय सामंत

Tousif Mujawar

देशभरात समान नागरी संहिता लागू करावी

Patil_p

जम्मू-काश्मीरमध्ये प्रवाशी बस उलटली, 25 जखमी

datta jadhav
error: Content is protected !!