कुर्डुवाडी / प्रतिनिधी
दर्शन घेऊन घराकडे परतताना रेल्वेच्या धडकेने वृद्ध महिला गंभीर जखमी होऊन उपचारापूर्वीच मयत झाली. ही घटना शुक्रवार दि.१७ रोजी दु.२.३० वा पूर्वी लऊळ ता.माढा येथे घडली. आशाबाई विनायक जानराव वय ७२ रा. लऊळ ता.माढा असे या अपघातातील मृत वृद्धेचे नाव आहे.
याबाबत पोलिसांनी दिलेली माहिती अशी की, वृद्ध महिला लऊळ गावातील अंबाबाई मंदिरात दर्शनासाठी गेली होती. दर्शन घेऊन घराकडे रेल्वे रुळ ओलांडून येत असताना रेल्वेची जोरात धडक बसून जानराव या गंभीर जखमी झाल्या. त्यांना उपचारासाठी ग्रामीण रुग्णालय कुर्डुवाडी येथे आणले असता त्या उपचारापूर्वीच मयत झाल्या असल्याचे डॉक्टरांनी सांगितले. या घटनेची कुर्डुवाडी पोलिसांत आकस्मात मयत म्हणून नोंद झाली असून पुढील तपास सहा पो फोजदार पाटील हे करीत आहेत.