Tarun Bharat

दिवाळीनिमित्त परिवहन मंडळाची विशेष बससेवा

बेळगाव : दसरा सणानंतर आता सर्वांना दिवाळीचे वेध लागले असून कोरोनाच्या काळात बुडालेला महसूल भरून काढण्यासाठी परिवहन प्रवाशांच्या सेवेसाठी विशेष बससेवा उपलब्ध करण्यात येणार आहे. दिवाळीसाठी आपल्या गावी परतणाऱया प्रवाशांना बेळगाव बसस्थानकातून विशेष बस धावणार आहेत. दिवाळी सणाच्या चार दिवसआधी ही विशेष बससेवा मुंबई, पुणे या शहरांकडे धावणार आहेत. अनलॉकमध्ये अनेक निर्बंध शिथिल झाले असले तरी रेल्वेगाडय़ा मर्यादित संख्येत धावत आहेत. त्यामुळे प्रवाशांना बसचा आधार घ्यावा लागत आहे. कोरोनामुळे परिवहनचे कोटय़वधी रुपयांचे नुकसान झाले. आता राज्यांतर्गत आणि राज्याबाहेर प्रवासी वाहतुकीसाठी परवानगी मिळाल्याने पूर्ण क्षमतेने प्रवासी वाहतूक सुरू आहे. दिवाळीनिमित्त बेंगळूर, मुंबई, पुणे, पणजीहून बेळगावकडे येणाऱया प्रवाशांची संख्या अधिक असते. यासाठी बेळगाव बसस्थानकातून मुंबई, पुणे शहरांकडे जाणाऱया बसफेऱया वाढविण्यात येणार आहेत.

Related Stories

बुडा कोणत्या जागेत वसाहत योजना राबविणार?

Amit Kulkarni

बसवन कुडचीत आज मूर्तीप्रतिष्ठापना

Amit Kulkarni

बांधकाम कामगारांप्रमाणेच आम्हालाही सुविधा द्या

Patil_p

जिल्हय़ातून 78,587 विद्यार्थी देणार दहावीची परीक्षा

Patil_p

2 जूनपासून धावणार यशवंतपूर- हजरत निजामुद्दीन रेल्वे

Tousif Mujawar

सीएएविषयी अफवावर विश्वास ठेवू नका

Patil_p