ऑनलाईन टीम / नवी दिल्ली :
देशात मागील काही दिवसांपासून कोरोनाच्या दैनंदिन रुग्णसंख्येत घट पहायला मिळत आहे. सोमवारी देशात 34 हजार 703 नव्या संक्रमितांची नोंद झाली. मागील 111 दिवसातील दैनंदिन रुग्णवाढीचा हा सर्वात कमी आकडा आहे. मागील 24 तासात 51 हजार 864 रुग्णांनी कोरोनावर यशस्वी मात केली. तर 553 रुग्ण दगावले.
देशात आतापर्यंत 3 कोटी 06 लाख 19 हजार 932 लोक कोरोनाच्या विळख्यात अडकले आहेत. त्यामधील 2 कोटी 97 लाख 52 हजार 294 रुग्ण या आजारातून बरे झाले असून, रिकव्हरी रेट 97.17 टक्के आहे. सद्यस्थितीत देशात 4 लाख 64 हजार 357 उपचारार्थ रुग्ण आहेत. तर 4 लाख 03 हजार 281 रुग्णांनी कोरोनामुळे आपले प्राण गमावले आहेत. देशात आतापर्यंत 35.75 कोटी नागरिकांना लसीचा पहिला आणि दुसरा डोस देण्यात आला आहे.