मुंबई \ ऑनलाईन
बॉलिवूडमधील प्रसिद्ध कास्टिंग डायरेक्टर सहर अली लतीफ यांचं निधन झालं आहे. सोमवर ७ जून रोजी मुंबईमध्ये त्यांनी अखेरचा श्वास घेतला. सहर यांच्या दोन्ही किडन्या खराब झाल्या होत्या. त्यांना काही दिवसांपूर्वीच लिलावती रुग्णालयात भरती करण्यात आलं होतं. पण उपचारा दरम्यान कार्डिएक अरेस्टने त्यांचं निधन झालं. सहर यांच्या निधनानंतर बॉलिवूडच्या कलाकारांसह दिग्दर्शकांनीही दुःख व्यक्त केलं आहे.
सहर अली लतीफ यांच्या निधनावर राजकुमार राव, हुमा कुरैशी, अनुराग कश्यप, शिबानी दांडेकर, रोहित सराफ, मिताली पालकर, निमरत कौर, हर्षवर्धन कपूर, सान्या मल्होत्रा, नोरा फतेही, मसाबा गुप्ता, मानवी गागरू आणि मुकेश छाब्रा, स्वरा भास्कर यांनी सोशल मीडियाच्या माध्यमातून श्रद्धांजली वाहिली आहे.
‘शकुंतला देवी’, ‘दुर्गामती’ यांसारख्या बॉलिवूड चित्रपटांसाठी त्यांनी कास्टिंग डायरेक्टर म्हणून काम केलं. ‘ईट प्रे लव्ह’, ‘झिरो डार्क थर्टी’, ‘मॅकमाफिया’, ‘सेन्स8’, ‘फ्युरियस ७’ आणि ‘हंड्रेड फूट जर्नी’ या चित्रपटांसाठीही त्यांनी काम केलं होतं.