धामणी खोऱ्यात सापडले दोन कोरोना पॉझिटिव्ह

वार्ताहर / म्हासुर्ली

धामणी खोऱ्यातील चौके पैकी राई (ता. राधानगरी) व पणोरे पैकी बळपवाडी (ता.पन्हाळा) येथे आज दि. 19 रोजी दोन कोरोनाग्रस्त रुग्ण सापडल्याने धामणी खोऱ्यात भितीचे वातावरण तयार झाले आहे.

सापडलेले रुग्ण मुंबईवरून गावात आलेले होते. दोन्ही रुग्णांना गावातच संस्थात्मक विलिगिकरण करण्यात आले होते. पॉझिटिव्ह रुग्ण सापडल्याने सावधगिरी उपाय म्हणून सर्व ग्रामपंचायतीनीं गावातील व्यवहार बंद करण्यात आले आहेत.