Tarun Bharat

नव्याने बांधण्यात आलेल्या विहिरीचे उद्घाटन करण्यासाठी सरपंच, आमदारांची धाव

Advertisements

प्रतिनिधी / म्हापसा

वेरे वळात येथे वेरे पंचायत सदस्यांनी एकत्रित येऊन गावातील नागरिकांची पाण्याची सोय व्हावी यासाठी नव्याने बांधण्यात आलेल्या विहिरीचे रीतसर उद्घाटन गावचे सरपंच केदार नाईक यांच्याहस्ते करण्यात आले. सुमारे 6 लाख खर्चून ही विहीर बांधण्यात आली असून वेरे पंचायतीच्या पंचसदस्यांनी स्वतः 6 लाख रुपये उभे करून ही विहीर बांधली असल्याची माहिती यावेळी सरपंच केदार नाईक यांनी दिली.

यावेळी उपसरपंच सुस्मिता पेडणेकर, पंच सुभाष पेडणेकर, विरेंद्र शिरोडकर, सुरज चोडणकर, सिया नागवेकर, फेलिक्स रॉड्रीगीस, राजेश भोसले आदी मान्यवर उपस्थित होते. सरपंच केदार नाईक यांनी सर्वांचे आभार मानून सर्व पंच सदस्यांच्या सहकार्याने ही विहीर त्वरित बांधणे शक्य झाले असल्याचे त्यांनी सांगितले. सर्वांचे सहकार्य यापुढेही असेच राहू दे असे ते म्हणाले. गावात पाण्याची समस्या जटील असून या विहीरीमुळे पाण्याचा प्रश्न सुटेल असे त्यांनी सांगितले.

दरम्यान या विहिरीचे दुपारी 3.30 वाजण्याच्या दरम्यान उद्घाटन सरपंच केदार नाईक यांनी केल्यानंतर अर्ध्या तासात त्याठिकाणी अमदार जयेश साळगावकर आले. यावेळी त्यांच्यासमवेत फादर वाझ व फादर मारिओ उपस्थित होते. आमदारांनी याच विहिरीचे फित कापून उद्घाटन केले. त्यामुळे येथे स्थानिक पंचायत व स्थानिक आमदार यांच्यामध्ये काहीतरी चाललेय हे स्पष्ट झाल्याचे दिसून आले. सायंकाळी या विहिरीचे उद्घाटन आमदार करणार असल्याचा सुगावा पंच सदस्यांना लागल्यावर आमदार येण्यापूर्वीच या पंच सदस्यांनी एकत्रित येऊन सरपंचांच्याहस्ते उद्घाटन करून हा कार्यक्रम आटोपता घेतला. त्यानंतर आमदार घटनास्थळी आले व त्यांनी फित कापून आपल्या परीने उद्घाटन करून घेतले.

Related Stories

अधिवेशनात संजीवनी, ऊस उत्पादकांचे प्रश्न उठवू

Patil_p

..यापुढे सा.बा.खात्यातील कंत्राटी कामगार पद्धती कालबाहय़

Patil_p

माय-लेक तळय़ात बुडण्याची दुर्दैवी घटना

Amit Kulkarni

कोरोनाबाधितांच्या संख्येत वाढच

Patil_p

पेडणे पोलिसांनी स्कूटर आणि मोटरसायकल चोरांची टोळी पकडली

Amit Kulkarni

तुये भगवती देवस्थानचा 8 रोजी जत्रोत्सव

Amit Kulkarni
error: Content is protected !!