ऑनलाईन टीम / मुंबई :
नाट्य दिग्दर्शक विजय केंकरे यांना कोरोनाची बाधा झाली आहे. गेल्या काही दिवसापासून त्यांना सौम्य ताप येत होता. त्यानतंर त्यांनी स्वत:ला घरीच क्वारंटाइन केले होते. मात्र आता त्यांना वांद्रे येथील लिलावती रूग्णालयात दाखल करण्यात आले आहे.
मिळालेल्या माहितीनुसार, विजय केंकरे यांची आई ललिता केंकरे यांचे नुकतेच निधन झाले होते. तेव्हा पासून ते घरीच आहेत. त्यातच मागील सहा- सात दिवसापासून त्यांना ताप येत होता. त्यामुळे त्यांनी घरीच स्वत:ला क्वारंटाइन केले होते. मात्र, काल त्यांची तब्येत आणखी बिघडल्याने त्यांना रुग्णालयात दाखल करण्यात आले आहे.