Tarun Bharat

पंचमसाली समाजाचा प्रवर्ग-2 मध्ये समावेश करा

Advertisements

जिल्हाधिकारी कार्यालयावर मोर्चा काढून निवेदन

प्रतिनिधी / बेळगाव

लिंगायत पंचमसाली समाजाचा प्रवर्ग-2 मध्ये समावेश करावा, या मागणीसाठी लिंगायत पंचमसाली समाजाच्यावतीने जिल्हाधिकारी कार्यालयावर मोर्चा काढून निवेदन देण्यात आले. पंचमसाली हा समाज बेळगाव जिल्हय़ामध्ये मोठय़ा संख्येने आहे. त्या समाजाला कोणत्याच सुविधा नाहीत. त्यामुळे या समाजातील सर्वसामान्यांना विविध समस्यांना तोंड द्यावे लागत आहे. तेव्हा तातडीने प्रवर्ग-2 मध्ये समावेश करावा, अशी मागणी करण्यात आली.

लिंगायत पंचमसाली समाज हा आर्थिक, शैक्षणिक आणि राजकीयदृष्टय़ा मागासलेला आहे. इतर समाजांना विविध सुविधा दिल्या गेल्या आहेत. त्यामुळे आमच्यावर अन्याय झाला आहे. विद्यार्थ्यांना शिक्षणामध्ये, नोकरीमध्ये कोणत्याच सवलती नाहीत. त्यामुळे अनेक जण शिक्षणामध्ये प्रगती करूनही मागासलेले आहेत. तेव्हा तातडीने या समाजाचा प्रवर्ग-2 मध्ये समावेश करणे गरजेचे आहे. यापूर्वी अनेकवेळा निवेदने देण्यात आली आहेत. मात्र, त्याकडे दुर्लक्ष करण्यात आले आहे. आता तातडीने निर्णय घ्यावा आणि समाजाला सुविधा उपलब्ध कराव्यात, असे निवेदनात म्हटले आहे. यावेळी समाजाचे जिल्हाध्यक्ष रुद्रण्णा चंदरगी, ज्ये÷ वकील ए. आर. पाटील, ऍड. आर. सी. पाटील, ऍड. शिवपुत्र फटकळ, ऍड. हणमंत कोंगाली, विनय नावलगट्टी, शिवनगौडा पाटील, डॉ. रवी पाटील, बसव सेना जिल्हा अध्यक्ष सुरेश किराई, ऍड. गिरीश पाटील, ऍड. आर. पी. पाटील यांच्यासह समाजातील नागरिक उपस्थित होते. 

Related Stories

सरकारची कर्जमाफी म्हणजे गुलाल-खोबरेच

Patil_p

होनगा येथील देवस्थानचा कारभार पारदर्शक

Patil_p

कॅम्पमध्ये पारंपरिक पद्धतीने रथोत्सव होणार

Amit Kulkarni

संमेलन केले यशस्वी दडपशाही झुगारून

Patil_p

कारदगा येथे ऊस स्पर्धेतील शेतकऱयांचा सन्मान

Omkar B

नियमित अन् वाढीव वेतन द्या

Amit Kulkarni
error: Content is protected !!