वार्ताहर / कासेगाव
आंतरराष्ट्रीय कीर्तीच्या विचारवंत डॉ. गेल ऑम्वेट तथा शलाका पाटणकर यांचे नुकतेच निधन झाले. याबद्दल पालक मंत्री जयंत पाटील यांनी कासेगाव येथील त्यांच्या घरी जाऊन त्यांचे पती डॉ. भारत पाटणकर व कन्या प्राची यांची भेट घेऊन सांत्वन केले.
डॉ. गेल आणि डॉ. भारत यांनी आपल्या निरामय आणि तितक्याच निर्भीड सहजीवनातून सावित्री जोतिबांचा वारसा पुढे नेत पुढच्या पिढीसाठी एक नवा आदर्श घालून दिला आहे. अशा शब्दांत जयंत पाटील यांनी आपल्या भावना व्यक्त केल्या. यावेळी जिल्हा परिषदेचे माजी अध्यक्ष देवराज पाटील, आटपाडीचे भारत पाटील अरुण कांबळे आदी उपस्थित होते.